極品龍蝦鮑魚海鮮盛宴

新老闆上任後，Duck哥🦆身邊所有女同事惨被調走😭，換哂全部男同事，返工簡直慘絕人寰，霎時冇哂心機。不過今日總算叫做有返啲動力😆，因為放工約哂之前跟我嘅女同事食飯，當同佢地餞行🥲。 其中一位女同事介紹Duck哥🦆去天后嘅六六六六火鍋😀 @6666hotpot ，佢打包單話Duck哥🦆一定滿意。咁有信心？一於就去試下先得😆。 店舖地方唔大，可以坐嘅人唔太多....等等先！原來仲有樓上🫢！！樓上好靚，好似兩個世界咁！私隱度極高，坐得又舒服，好似Duck哥🦆今次包咗間房咁，一流😍。 今次Duck哥🦆book咗個火鍋餐以食海鮮🐟為主，老闆推薦我試下支東鶴純米酒🍶，話配海鮮一流😋。 東鶴純米酒 $468 老闆真係好推薦，米酒帶有果香味🤤，亦帶有輕輕氣泡感，口感清爽；加上帶有輕快而又好快消失嘅餘韻，真係好適合配海鮮😋。 極品龍蝦鮑魚海鮮盛宴 $2680 迎賓三小碟： 荔枝汁浸車厘茄 車厘茄🍅清甜多汁，配上香甜的荔枝汁一齊食，味道清新香甜，好好食😋。 意大利黑醋漬豬手 豬手🐖皮爽肉滑，醃得入味，味道微辣🌶帶陣陣醇香醋味，醒胃又好食😋。 蘿蔔花拼魚片頭 魚片頭炸得香口乾身，送上枱時，香氣四溢，一口咬下魚味突出，口感嫩滑彈牙😍；醃蘿蔔酸甜度平衝，入面有紅椒粒🌶，既醒胃又可清清味蕾😋。 真係甚少見前菜都可以做到咁精緻和好食😍，我地所有人都讚不絕口😋。 人參養生鍋 湯底有龍眼、紅棗、淮山及人參，味道鮮香帶陣陣人參加味，足料又好味😍。 澳洲龍蝦刺身(1️⃣隻) 原隻龍蝦🦞擺盤十分精美，蝦肉晶瑩剔透，肉質爽脆嫩滑🥰，蝦味鮮香清甜，令人欲罷不能🤤。 五頭南非鮑魚(4️⃣隻) 鮑魚大大隻，厚肉爽身，鮑魚味濃郁，無論口感同味道都係一流😍。 紐西蘭聖子(4️⃣隻) 聖子大件又新鮮，口感爽彈，鮮味十足😍。 美國桶蠔四隻 桶蠔🦪大大隻，肉身又厚又飽滿，灼熟後口感依然嫩滑多汁😋，邊位部份較爽滑，蠔味香濃，鮮香味美😍。 生猛海蝦(8️⃣隻) 活蝦🦐十分生猛，蝦肉爽口彈牙，蝦味濃鮮味滿瀉😋。 極品安格斯牛小排 牛小排🥩雪花油紋非常靚，肉色鮮紅有光澤，牛味🐂濃郁，油脂味香醇，食過返尋味😋。 西班牙黑豚肉 豚肉片🐖肉味香濃，肉質軟滑，同樣油脂豐腴😍。 香菇貢丸 貢丸一份有6️⃣大粒，用上了台灣🇹🇼海瑞貢丸，所以粒粒扎實飽滿，口感彈牙，肉香味濃😋。 師傅手打丸 手打丸有蟹籽、芫茜、墨丸及松露，味道各具特色，其中墨丸內包有鮑魚粒🫢，味道更鮮味，松露丸味道香濃😋。 芝士腸 及 五彩蔬菜籃 蔬菜好新鮮，有娃娃菜、菜心、金菇、木耳及一個又大又香甜的蕃茄🍅。 總括而言，呢間火鍋店，絕對可以成為Duck哥🦆心目中 Top5️⃣ 火鍋店之一。 最後臨走時，老闆同Duck哥🦆介紹咗一支清酒🍶，一支店主親自去日本🇯🇵群馬縣挑選，獨家訂製嘅‘’左大臣純米吟釀生原酒‘’🍶，話無論食肉或食海鮮都非常合適，叫我有機會一定要試下。 女同事一聽到左大臣就異口同聲咁話，恭喜Duck哥🦆升级成為新老闆唯一高級私人助理，以後咪可以叫你做「男臣」！ 食🦆指數：🔟/🔟 @6666hotpot 🦆六六六六火鍋 📍天后 - 永興街21號地舖 #六六六六火鍋#天后#天后美食#火鍋#海鮮#清酒#私房菜#hotpot#seafood#foodphotography#hongkong#hongkongtravel #foodiehk#hkfoodie#hkfood#ufoodphoto #foodporn#yummy#foodreels#foodvideo#eatwithfoodiez#hkblogger#香港餐廳#美食推介#香港#香港美食#香港探店#香港必食#香港好去處 撰文 & 影片：@hoeat_duck